Home / buzze / فيديو صادم / القيروان : معلمة تعنف تلميذة ال7 سنوات وتأمر كافة تلاميذ القسم بجذب أذنها بالتداول

فيديو صادم / القيروان : معلمة تعنف تلميذة ال7 سنوات وتأمر كافة تلاميذ القسم بجذب أذنها بالتداول

نشرت أم تونسية نداء إستغاثة عبر مواقع التواصل الإجتماعي وأكدت معاملة معلمة بإحدى مدارس القيروان بسوء لابنتها ذات ال7 سنوات، حيث أنها أمرت كافة تلاميذ القسم بجذب أذن الطفلة مما تسبب لها في آلام حادة وتدهور حالتها النفسية ورفضها العودة للدراسة وهذه التفاصيل :



بربي حاولوا وسعوا بالكم معايا و أقراو للأخر


ليوم حبيت نحكيلكم شصار مع بنتي عمرها 7 سنين

بنتي تقرى أولى في مدرسة الهدى القيروان

يا سيدي ليوم وذنها توجع فيها وين بلاسط الخراس ياخي قعدت تمس فيها ” ميسالش نفرضوا. إنو هي فقدت تركيزها و قعدت تلعب بوذنها في القسم كيما تدعي ‘ المعلمة’”

تقوم أنيستي المربية الفاضلة تقلها بالحرف إنت تلعب بوذنيك

قلتلها لا ستي راني نحك في وذنيا راي تاكل فيا

قومت تلميذ قتلو برا إمشي إجبدلها وذناها ولا قسم كامل يجبدلها في وذناها و يضحكو

و بعد مشاتلها قلتلها شبيك إنت قول لأمك تهزك لطبيب على وذنيك

سألتها علاه ما دافعتش على روحك قتلي يا ماما عيطط في قلبي و خفت من ستي

بنتي راي صحيح خوافة هي حتى كتبتها ما تحبش تعطيهم لحد و محافظة عليهم تخاف لا يتمسخو ولا تصير حاجة

راي بنتي قرايا راي بنتي ذكية راي بنتي وقت صحابها مازالو ما يقراوش جملة بنتي ماشاءالله تقرى النص راي بنتي حتى كي تبدى تلعب تلعب بالقراية يعني تحط أدوات و تبدا زعمة زعمة تقري في عروستها

إقول القايل بالك بنتي تتخيل و لا تزيد على المعلمة

باش نثبت كلمت ولي تلميذة تقرى مع بنتي قلتلها أسألي بالحق لحديث لي صار ياخي عيطت لبنتها و أنا معاها في التليفون و سألتها بنتها قلتلها إي صحيح رانا لييوم جبدنا وذنيها و تضحك..

تصور إنت صغيرك مازال سنة أولى إروح يبكي كي تجي تسأل إقلك راي ستي خلات صحابي الكل يجبدولي وذنيا و يضحكو شتعمل؟

راني حرت شنعمل؟ راو رغم كل شي قعدة نقلها راي ستي تحبك و ماك ريتها ديما تقول لي إنت قرايا باش بنتي ما تكرهاش و ما تكرهش لقرايا جرتها

حط روحك إنت في بلاسطي و قلي أنا ك ولية بنتي تعرضت لذل و وجيعة و تعب معنوي كبير ممكن حتى أكثر مالجسدي شتعمل؟

الفيديو :

[fvplayer id= »8″]